The Mandalay Gazette | Organizing for Myanmar Burma | News Network

မြန်မာနိုင်ငံက ကုန်ပစ္စည်း အတုတွေ အကြောင်းနဲ့ ပတ်သက်ပြီး နည်းနည်း ပြောချင်လို့ပါ။ မြန်မာနိုင်ငံဟာ တော်တော်လေးကို အတုပေါတဲ့ နိုင်ငံပါ။ ပြည်ပနိုင်ငံတွေက တင်သွင်းလာတဲ့ ပစ္စည်း အတုတွေ အပြင် ပြည်တွင်းမှာ ထုတ်လုပ်တဲ့ အတုတွေကလည်း အများကြီးပါ။ ပစ္စည်းတစ်ခု နည်းနည်းလေး လူသုံးများလာတာနဲ့ အတုတွေ ထွက်လာတော့တာပဲ။ ဒီကြားထဲ နေ့စဉ် စားသုံးနေတဲ့ ဟင်းသီးဟင်းရွက်၊ သားငါးလို ကုန်ပစ္စည်းတွေကို ပုံမှားရိုက်၊ အလေးခိုးပြီး ရောင်းတာမျိုး ရှိသေးတယ်။ ထားပါတော့လေ၊ ဒါတွေက မြန်မာပြည်က လူတိုင်းသိကြတဲ့ ကိစ္စပါ။
အခု ကျနော်ပြောမှာက ကိုယ်တိုင် ကြုံတွေ့ခဲ့ရတဲ့ အကြောင်းအရာပါ။ ရန်ကုန်မှာ ကျနော်သိတဲ့ အိမ်တစ်အိမ်ဟာ အရင်တုန်းကတော့ သနပ်ခါးလုပ်ငန်းကို လုပ်ပါတယ်။ အသင့် ရေဖျော်ပြီး လိမ်းရတဲ့ သနပ်ခါးတွေပေါ့။ အခုနောက်ပိုင်းတော့ အဲဒီလုပ်ငန်းကို မလုပ်တော့ပဲ အလှကုန် လုပ်ငန်းကို လုပ်ကိုင်ပါတယ်။ ဒီလုပ်ငန်း လုပ်ပြီးနောက်ပိုင်းမှ တော်တော်လေးကို စီးပွားဖြစ်တာကိုလည်း တွေ့ရပါတယ်။ နောက်သူ့အိမ် ရောက်သွားတော့မှ တွေ့ရတာက ကိုယ်ပိုင်တံဆိပ်နဲ့ မဟုတ်ပဲ နိုင်ငံခြားက နာမည်ကြီးတဲ့ တံဆိပ်တွေကို အတုလုပ်တာကိုး။ အဲဒါတွေ့ရတော့ ကျနော်လည်း တော်တော်လေးကို စိတ်ပျက်မိပါတယ်။ အလှကုန် ဆိုတာမျိုးက တကယ်တမ်း နိုင်ငံတကာ အဆင့်မီ ထုတ်လုပ်ထားတဲ့ ပစ္စည်းတွေတောင် တခါတလေ ဘေးထွက်ဆိုးကျိုး ဘယ်လိုရှိတယ် ဘာညာနဲ့ သတင်းထွက်လာ တတ်သေးတာပဲ။ ဒီလို အိမ်တွင်းဖြစ် ဘာပစ္စည်းတွေနဲ့ ရောစပ်ထားမှန်း မသိတဲ့ အလှကုန်တွေကို အတုလုပ်တာကတော့ ဆေးဝါးတွေကို အတုလုပ်သလိုပဲ တော်တော်လေးကို ဝိသမလောဘ ဆန်တယ်လို့ ထင်ပါတယ်။ နောက်တော့ ကျနော် ပလပ်စတစ် လုပ်ငန်းလုပ်တဲ့ နေရာ တစ်ခုမှာ နိုင်ငံခြားက နာမည်ကြီး အလှကုန်ပစ္စည်း ဘူးခွံတွေကို အများအပြား ထုတ်လုပ်နေတာ တွေ့ရပါသေးတယ်။ ကျနော်သိရသလောက် သူတို့က ဒီပစ္စည်းတွေကို ရန်ကုန်၊ မန္တလေး စတဲ့ မြို့ကြီးတွေမှာ ရောင်းချတာမဟုတ်ပဲ နယ်မြို့တွေကို တင်ပို့ကြတာလို့ သိရပါတယ်။ မသိနားမလည်လို့ ဝယ်သုံးမိတဲ့ သူတွေခမျာတော့ ငွေကြေးအပြင် ကံဆိုးရင် အသားအရေ အလှပျက်ကိန်းပါ ဖြစ်နိုင်ပါတယ်။
ဒါတွေကို ကျနော်သိခဲ့ပေမဲ့ တာဝန်သိပြည်သူ တစ်ယောက် မဖြစ်ခဲ့တာကို ဝန်ခံပါတယ်။ ကျနော် တတ်နိုင်တာကတော့ လူတိုင်းပြောတတ်တဲ့ ဈေးဝယ်ရင် အတုအစစ် ခွဲခြားပြီးဝယ်ပါ ဆိုတာပါပဲ။ ကျနော် ကိုယ်၌ကလည်း ဘယ်လို ခွဲရမယ်ဆိုတာ မပြောတတ်တော့ ခက်တာပဲ။ အင်း …..  “တစ်ယောက်ချမ်းသာ၊ ကိုယ့်ဖို့ရှာ၊ သတ္တဝါအပေါင်း၊ ဆင်းရဲကြောင်း” လို့သာ ညည်းချင်တော့တယ်။        ။

၂၀၁၂ ကမ္ဘာပျက်ခြင်းထက်ဆိုးရွားသော အရာ

၂၀၁၂ ကမ္ဘာပျက်လိမ့်မည်ဆိုသော ခန့်မှန်းချက်များက အခုတလော မြန်မာပြည်မှာ လူတွေရဲ့ပါးစပ်ဖျား ရေပန်းစားနေတဲ့ သတင်းထူးလေးပါ…

စာရေးသူက အဲဒီထက်ထူးတဲ့ သတင်းလေးပေးချင်တော့လည်း ဒီပို့စ်ရေးဖို့ဖြစ်လာပါတယ်။

ပထမဆုံး သတင်းထူးလေးမပေးခင်မှာ ၂၀၁၂ ကမ္ဘာပျက်မည်ဟူသော သတင်းရဲ့ ဂယက်လေးတွေ ကို သတင်းပေး မယ်နော်…

တနေ့တော့ ရန်ကုန်က မတွေ့တာကြာပြီဖြစ်တဲ့သူငယ်ချင်း တစ်ယောက်ကို Online မှာတွေ့ပါတယ်။ မာကြောင်းသာကြောင်းမေးရင်းနဲ့ ပြောလိုက်တာ …

မကြာသေးမီက မှ သူ့ချစ်သူနဲ့လက်ထပ်လိုက်ကြောင်းပြောပါတယ်။ လက်ထပ်ဖြစ်သွားတာလေးကတော့ ဒီလိုပါကွယ်။

me: …ဟုတ်လား နင် သူနဲ့လက်ထပ်လိုက်ပြီလား??

ခင်: အေးဟုတ်တယ်..

me: ..နင်တို့အိမ်က သဘောတူလိုက်ပြီလား??

ခင်: ဘယ်ကလာ သယ်ရင်း ရယ်… နှစ်ဦးသဘောတူလေ…အခု ငါ့အိမ်က ငါ့ကိုအမွေပြတ်စွန့်လွတ်ထားတယ်။

me: သြော်ဖြစ်ရလေ ခင်လေးရယ်….

ခင်: .. ငါလည်း အိမ်ကသဘောတူထားတဲ့ သူနဲ့တောင်စေ့စပ်ထားပြီးပြီ… လက်ထပ်ဖို့က ရှေ့ လထဲမှာရှိတာ…. ငါလည်း အိမ်က ငါ့ဘဝအတွက်ကောင်းအောင်စီမံတာသိတယ်လေ…. ငါ့ရည်းစားက နင်သိတဲ့အတိုင်း အရမ်းဆိုးလွန်းတယ်…. တသက်လုံးအတွက် ဘယ်လိုမှ လက်တွဲဖို့မဖြစ်နိုင်ဘုးဆိုတာသိပြီးသား…အခုတောင် ယူကာစရှိသေး …အသောက်အစား က မလျှော့… သူလည်း မသောက်ရတော့မှာ စိုးလို့နဲ့တူပါတယ်လေ..

me: အင်း (ဟိုရောက်လိုက် ဒီရောက်လိုက် ဘယ်လိုပြောနေပါလိမ့် ဟုတွေးကာ အင်းနေလိုက်ပါသည်။)  Read more... (427 words, estimated 1:42 mins reading time)

ဒီနေ့တော့ ပြောချင်တဲ့အကြောင်းကတော့ ကျွန်မက စာဖတ်တာလည်း ၀ါသနာပါသလို စာပေဟောပြောပွဲတို့ ဘာတို့ကိုလည်း သွားနားထောင်တာ ၀ါသနာပါပါတယ်။ ဒီလို ဟောပြောပွဲတွေကတော့ ဟိုးအရင်တုန်းက မြို့တွေ၊ နယ်တွေ၊ ရပ်ကွက်တွေမှာ အမြဲလုပ်လေ့ လုပ်ထရှိပါတယ်။ ‘ဒီလိုလုပ်ခြင်းအားဖြင့် လူကြီးတွေနှင့် လူငယ်တွေဟာ တစ်ဦးနဲ့ တစ်ဦး မဝေးကွာဘဲနဲ့ နီးစပ်မှုရှိပြီး အပြန်အလှန် ပညာ၊ ဗဟုသုတ ဖလှယ်နိုင်တာကို တွေ့ရှိခဲ့ရပါတယ်။ ပြီးတော့ စာပေဟောပြောပွဲလုပ်ခြင်းကြောင့် အလိမ္မာစာမှာရှိဆိုသလို စာပေဘက်ကို ပိုမိုလေ့လာ လိုက်စားလာတာကို ထပ်မံတွေ့ရှိခဲ့ရပါတယ်။ အင်း… ဒီလိုပွဲမျိုးတွေ ခုနောက်ပိုင်း မတွေ့ရှိခဲ့တာ ကြာပြီလို့ ပြောရမလိုတောင် ဖြစ်နေခဲ့ပြီလေ။ ဟုတ်တော့လည်း ဟုတ်ပါတယ်။ ဒီလိုပွဲကို လုပ်ပြီးဟေ့ဆိုရင် ဘယ်သူတာဝန်ယူပြီး လုပ်ပေးနိုင်တော့မှာလဲ။ ဘ၀အခြေအနေက ရှိသေးတယ်လေ။ ဒါပေမဲ့ စာပေမြတ်နိုးတဲ့သူတိုင်း စာပေဟောပြောပွဲကို တောင့်တမိတာ အမှန်ပါဘဲ။ မနောလည်း အပါအ၀င်ပေါ့။
အရင်တုန်းကတော့ ဟိုးမနောတို့ ငယ်ငယ်တုန်းက ဆိုရင် ပိုမှန်မယ်။ ရပ်ကွက်ထဲမှာ အမြဲဆိုသလို ဥပမာ ဒီဇင်ဘာလလို့အချိန်မျိုးဆိုရင် စာပေ ဟောပြောပွဲ လုပ်လေ့လုပ်ထရှိပါတယ်။ အဲဒီလိုလုပ်တုန်းကဆို မနောက အရမ်းပျော်တာ မိုးမချုပ်သေးဘူး။ စာအုပ်တစ်အုပ်နဲ့ ဘောပင်တစ်ချောင်းကိုင်ပြီး သွားချင်နေခဲ့တာ။ အဲဒီတုန်းကဆို လူကြီးတွေက ဟဲ့ စာပေဟောပြာပွဲဆိုတာ လူကြီးတွေကိစ္စ၊ ကလေးနဲ့ ဘာဆိုင်လို့လဲလို့ အပြောခံရသေးတာလေ။ ငယ်တုန်းကတော့ သိပ်နားမလည်ဘူးလေ သွားချင်တာက ဟောမဲ့ စာရေးဆရာက ရယ်စရာပြောလို့ သွားနားထောင်တာ။ နောက်ပိုင်း ကျတော့ ကိုယ်မသိတဲ့အကြောင်းအရာတွေ သိလာရတယ်။ အဲဒီလို ဒီဇင်ဘာလမှာ သွားနားထောင်တာဆိုရင် အနွေးထည်တောင် မပါဘူး။ သွားနားထောင်တယ်။ အိမ်ကလည်း ခဏဘဲ သွားတာဆိုပြီး ဘာမှမပြောဘူးလေ။ ညတော်တော်နက်လာတော့ ဦးထုပ်နဲ့ အနွေးထည်နဲ့ ယူပြီး ဖေဖေက လိုက်လာရော.. တစ်ခါတလေ ဟောပြောပွဲက ညလုံးပေါက်လုပ်တာဆိုတော့ မပြီးမချင်းကို မပြန်ဘူး။ ဖေဖေက သမီးပြန်ရအောင်လေ မနက်ကျောင်းတက်ရဦးမှာနော်လို့ သတိပေးတဲ့ အချိန်ဆို မနက် ၃ နာရီ၊ ၄ နာရီ ထိုးနေပြီ။ ဒါတောင် ဖေဖေပြန်အိပ်လေ။ သမီး မိုးလင်းမှာ ပြန်လာခဲ့မယ်လုပ်သေးတာ။ ဟိုးအရင်တုန်းက တက္ကသိုလ်နေ၀င်းတို့၊ လူထုစိန်ဝင်းတို့ တော်တော်များများ နားထောင်ဖူးတယ်။  Read more... (362 words, estimated 1:27 mins reading time)

သြော် ဘာလိုလိုနဲ့ နွေ မိုး ဆောင်း သုံးရာသီမှာ ကျောင်းပိတ်ထားတဲ့ အလွန်ပူပြင်းခြောက်သွေ့တဲ့နွေရာသီဆိုတာကို ဖြတ်သန်းခဲ့ပြန်ပြီပေါ့။ ဒီနှစ်ရဲ့ နွေရာသီဟာ အလွန်ကြာမြင့်ခဲ့တယ်ဆိုပေမယ့် မိုးလေး ရွာလာပြန်တော့ သွားရလာရ စိုစွတ်နေတော့ သိပ်ပြီး မနှစ်သက်ကြပြန်ပါဘူး။ မိုးတဖွဲဖွဲကျလာသည်နှင့် မိသားစုအတော်များများ မိုးတွင်းကာလအတွက် လိုအပ်ချက်တွေကို တွေးတောလာရသည်မှာလည်း အလွန်စိတ်ညစ် စိတ်ပျက်စရာ ခေါင်းခဲစရာအကြောင်းပဲ မဟုတ်ပါလား။ ပူပြင်းတဲ့ နွေကာလကို ဖြတ်သန်းခဲ့ပြီး မိုးရေစက်တွေကို မျှော်လင့်မိတဲ့စိတ်တို့လည်း မိုးစက်တွေနဲ့အတူ ကျရောက်လာတဲ့ လိုအပ်ချက်တွေကြောင့် ရင်ထဲမှာတော့ မအေးချမ်းနိုင်ဖြစ်ခဲ့ရပြန်တယ်လေ။ လစဉ် တာဝန်ယူနေတဲ့ မီတာခကလည်း အလုပ်သွားခါနီး အမေက သမီး ဒီနေ့ မီတာခ နောက်ဆုံးနော်ဆိုတဲ့ သတိပေးချက်ကြောင့် စိတ်ရှုပ်ထွေးရတယ်။ မီးမလာတော့လည်း မီးတာခ သက်သာလားဆိုတော့လည်း သိပ်လည်းမသက်သာပြန်ဘူး။ နောက် မောင်နှမများတဲ့ ကိုယ့်ဘ၀ကိုလည်း တစ်ခါတလေ ပြန်စဉ်းစားရင် ပြည့်စုံနေတဲ့အချိန်ဆို ပျော်စရာကောင်းပေမယ့် အရာရာ ချို့ငဲ့နေတဲ့ဘ၀ရောက်နေတော့ မပံ့ပိုးနိုင်ဖြစ်ပြီး စိတ်အားငယ်ခဲ့ရတယ်။ ဟော ခု ပူပြင်းလှတဲ့နွေရာသီကို အံတုပြီး စိုစွတ်သော မိုးကာလတွင် ဆောင်းနှင့် နွေ နှစ်တွေတုန်းက စောင့်ဆိုင်းနေသော ကုန်ကျစရိတ်များသာမက နွေရာသီက ရပ်နားခဲ့တဲ့ မောင်လေးတွေရဲ့ ပညာရေးက ပြန်စလာခဲ့ပြန်ပြီ။
တစ်နှစ် တစ်နှစ် ကျောင်းစရိတ်၊ ဗလာစာအုပ်၊ ခဲတံ၊ ပေတံ၊ လွယ်အိတ်စတဲ့ လိုအပ်ချက်တွေကို စဉ်းစားနေတုန်း မောင်လေးတွေရဲ့ အလုပ်သွားမနက်လင်း မှာကြားသံက ထွက်ပေါ်လာတယ်။ မမကြီး ဘောပင်၊ ခဲတံ ၀ယ်ခဲ့ပါတဲ့။ အင်း ၀ုန်းဒိုင်းကြဲ ရွာချတတ်တဲ့ မိုးရာသီတွင်း ထီး ဒါမှမဟုတ် မိုးကာနှင့် မိုးတွင်းစီးဖိနပ်တွေကလည်း မရှိမဖြစ် လိုအပ်နေပြန်ပါလား။ ဒီကြားထဲ ကိုယ့်ရဲ့ ၀ါသနာ ပန်းတိုင်အတွက် တက်နေတဲ့ ကျောင်းကလည်း အောင်စာရင်းထွက်ပြီး ဒုတိယအသုတ်တက်ဖို့ ကျောင်းလခသွင်းဖို့ လိုလာပြန်ပြီ။ ဒီကြားထဲ ဟိုစရိတ် ဒီစရိတ်တွေကလည်း ရှိသေးပြန်သတဲ့။ ထို့နောက်…. ထို့နောက်… တွေးကြည့်ရုံမျှပင် အသက်ရှူကျပ်ချင်လာသည်။ အရင်က အလုပ် နှစ်ခုလုပ်တော့ နည်းနည်းလှဲ့သာ ချောင်သာ ရှိပေမယ့် ခုတော့ တိုင်းထွာနေရတဲ့ဘ၀ ဖြစ်နေတော့ ကက်စီးနည်းတယ်ပြောလည်း မချိပြုံး အခါခါပြုံးရင်း ရင်ထဲမှာ အကြိမ်ကြိမ်ငိုနေမိတာလည်း ဘယ်သူမှ မသိခဲ့ဘူး။ ဘယ်အရာမဆို အားလုံးအတွက် ဖြည့်ဆည်းပေးချင်တဲ့ စိတ်ကို မနည်းချိုးနှိမ်ရင်း ရေအလှူလည်း လှူချင် ပရဟိတလည်း လုပ်ချင်နေတဲ့ ငါ့ရဲ့အဖြစ် တော်တော်များ ရယ်စရာကောင်းနေသလား။ ကိုယ့်ဘ၀တောင် မပြည့်စုံတာ သူများ ကူညီချင်နေတဲ့စိတ်ကိုလည်း တားဆီးလို့ မရခဲ့ပြန်ပါဘူး။
ကျွန်မ ငယ်စဉ်က မိဘများက မည်သို့ ကျောင်းထားပေးခဲ့သည်မသိ။ အခုအရွယ်ရောက်လာတော့ ပညာရေးအတွက် လိုအပ်တဲ့ အချက်အလက်တွေကို သိရှိနားလည်လာရတယ်။ ခုထိလည်း ပန်းတိုင်လျှောက်နေဆဲ ဘာမှမလုပ်ရင်လည်း ဘာမှမဖြစ်ဘူးဆိုတဲ့ အသိ သူများနောက်မှာ မနေချင်တဲ့ကိုယ့်ရဲ့စိတ် ဒါတွေ ပြန်တွေးကြည့်မယ်ဆိုရင် ငယ်ငယ်တုန်းက အဖေပြောတဲ့စကားကိုလည်း ပြန်ကြားယောင်နေမိတယ်။ “သမီး ရှိလို့ ကျောင်းထားပေးတာ မဟုတ်ဘူး။ တတ်စေချင် တော်စေချင်လို့ သူများနောက်မရောက်အောင် နောက်ပြီး ပြောသေးတဲ့စကားက ငွေကြေးချို့တဲ့ဘ၀ဆိုတော့ ပညာပဲ အမွေပေးနိုင်မယ် သမီး “ဆိုတဲ့ စကားတွေ  တစ်ဘ၀လုံးအတွက် လူဖြစ်စေဖို့၊ ပညာဟာ လူတစ်ယောက်ရဲ့ဘ၀ကို ဘယ်လိုပုံဖော် ပြောင်းလဲပေးနိုင်စွမ်းရှိတယ်ဆိုတာ သိလို့ ခုအရွယ်မှာ နားလည် သဘောပေါက်လာမိတယ်။ ဘယ်လိုပဲဖြစ်ဖြစ်လေ ဘ၀ဆိုတာ ရှိနေသရွေ့ ပန်းတိုင်ဆိုတာ လျှောက်စမြဲပေါ့။ ဒီလိုပဲ ကိုယ့်အတွက် လိုအပ်ချက်တွေရှိသလို မိသားစုမောင်နှမအတွက်လည်း လိုအပ်ချက်တွေကို တစ်စိတ်တစ်ပိုင်း တတ်နိုင်သရွေ့ တစ်ဖက်တစ်လမ်းကနေ မိဘကျေးဇူးအကြေ မဆပ်နိုင်သေးပေမယ့် ပံ့ပိုးကူညီမှုနဲ့ ကျွန်မ ရှေ့ဆက်လျှောက်ရဦးမှာပါလားလို့ မိုးလေးစိပ်စိပ် အေးချမ်းမှုတွေ ပေးစွမ်းနေပေမယ့် ပူလောင်နေတဲ့ ရင်တစ်စုံနဲ့ ကျွန်မ တွေးတောနေမိပါရောလား။
စာရေးသူ = မနောဖြူလေး  Read more... (235 words, estimated 56 secs reading time)

ကျနော်ရယ် ကိုအောင်မောင်းရယ်က အခုတလော မနက်တိုင်း မနက်တိုင်း တက်သေးအင်းကန်တော်ကြီးပါတ်လမ်းမှာလမ်းလျှောက်ဖြစ်ကြပါတယ်။
ကျနော်တို့ နှစ်ယောက်က မနက် ငါးနာရီခွဲလောက်ဆိုရင် ကန်ပါတ်လမ်းအ၀င်နားမှာရှိတဲ့ရေပေါ်စင်ကြီးနားကိုရောက်ပါတယ်။
အရင်ကတော့ ဒီစင်ကြီးက လာတဲ့ဧည့်သည်တွေနားဘို့လေညင်းခံဘို့လုပ်ထားတာပါ။
တစ်ခါတစ်ရံ စနေနေ့ညတနင်္ဂနွေနေ့ညတွေ မှာဆိုရင် တီးဝိုင်းအဖွဲ့တွေက သီချင်းတွေနဲ့ဧည့်ခံတတ်ပါတယ်။
ဒါပေမယ့် စည်းကမ်းမဲ့တဲ့လူတစ်ချို့ စင်ပေါ်မှာလူထိုင်ဘို့ထားတဲ့ကွပ်ပျစ်တွေကိုတောင် ရိုက်ချိုးကြ စင်ပေါ်မှာ မီးဖိုကြလုပ်တော့ပျက်စီးမှာစိုးတဲ့အတွက်စားသောက်ဆိုင်
တစ်ဆိုင်ကို ငှားလိုက်ပါတယ်။
ကျနော်တို့က ပါလာတဲ့ဆိုင်ကယ်ကို အဲဒီစားသောက်ဆိုင်မှာ အစောင့်တာဝန်ယူတဲ့ဝန်ထမ်းကိုပြောလို့ ထားခဲ့တတ်ကြပါတယ်။
ပြီးတော့ စကားတပြောပြောနဲ့ခပ်သွက်သွက်လေးချွေးကလေးစို့အောင် တောင်ဖက်အဖျားက ကရိဝိက်ဖောင်တော်ကြီးနားရောက်အောင်လျှောက်တတ်ကြပါတယ်။
ကရ၀ိက်အနားရောက်တော့ သူ့ဘေးကပ်ရက်မှာရှိတဲ့ ရွိုင်ရယ်လိပ်ဗျူးဆိုတဲ့စားသောက်ဆိုင်က ဆောက်ပေးထားတဲ့ ရေပေါ်တံတားလေးပေါ်မှာ
တစ်ခါတစ်လေကျတော့လဲ မမြလေးဘုရားနားက ကုက္ကိုပင်အောက်မှာ နှစ်ယောက်သား အမောဖြေရင်း ရောက်တတ်ရာရာ လေပေါတတ်ကြပါတယ်။
အခုရက်က တောင်ပြုန်းပွဲရက်ဖြစ်တော့ စစ်ကိုင်းဘက်ကနေ တောင်ပြုန်းပွဲတော်ကို သွားတဲ့ကားတွေကလဲ လူအပြည့် တက်တက်ကြွကြွ အော်လို့ဟစ်လို့ ပါလာတဲ့သူအချင်းချင်းစကားတွေပြောလို့ပေါ့။
တစ်ချို့တောင်ပြုန်းမှာညအိပ်ပြီး မနက်မှထပြန်လာကြတဲ့ကားတွေလဲရှိပါတယ်။
သူတို့ကတော့ အသွားကားတွေနဲ့ဆန့်ကျင်ဘက်ပေါ့။အိပ်ငိုက်တဲ့လူကအိပ်ငိုက် ငေးမိငေးရာ ငေးလာသူကငေးလို့ပေါ့။
အားလုံးတူညီကြတာတော့ ကားခေါင်းမှာလဲ ပန်တော်ပန်းတွေချည်လို့ တစ်ချို့ကလဲ လက်မှာ အမြတ်တစ်နိုးကိုင်ထားလို့ မိန်းမသားတွေကတော့ တောင်ပြုန်းပြန်မှန်းသိအောင် ပွဲဈေးတန်းက ၀ယ်လာတဲ့ ရွှေရောင်ဆွဲကြိုးကြီးဆွဲလို့ပေါ့။
ပြန်လာသူအားလုံးရဲ့စိတ်ထဲဝင်ကြည့်လိုက်မယ်ဆိုရင် ကိုယ်တော်ကြီးး ကိုယ်တော်လေးတို့ကို တိုင်တည်လို့ဆုတောင်းခဲ့တာတွေများပြည့်ခဲ့အောင်ခဲ့ရင်ဆိုတဲ့ မျှော်လင့်ချက်ကလေးတွေကတော့ အတွေးထဲ ရင်ထဲမှာ ၀ဲလှည့်နေမယ်ထင်ပါတယ်။
အဲဒီအချိန်မှာကိုအောင်မောင်းက ” နတ်ကိုးကွယ်တာတွေ ရိုးရာ အစွဲအလမ်းတွေကို ကိုပေါက်ဘယ်လိုမြင်လဲ”လို့မေးခွန်းထုတ်ပါတယ်။
တော်တော်လေး ဖြေရခက်ပြီး ဆူးတွေအပြည့်နဲ့မေးခွန်းပါ။
” ကိုအောင်မောင်း ကဘယ်လိုအမြင်နဲ့ကြည့်ပြီးဖြေစေချင်လဲ”လုိ့လူလယ်ကျပြီးအမေးကိုအမေးနဲ့တုန့်ပြန်လိုက်ပါတယ်။
ကျနော်တို့စကားပြောနေတုန်းမှာ ဘဲ တောင်ပြုန်းအပြန်သင်္ကေတဖြစ်တဲ့ရွှေဆွဲကြိုးတွေဆွဲထားတဲ့ ရှင်မီးအကျီအမဲ ဘောင်းဘီပေါင်တိုအမဲမလုံမလဲ ၀တ်ထားတဲ့ကောင်မလေးနှစ်ယောက်စီကိုတင်ထားတဲ့ ဒီတီဆိုင်ကယ်နဲ့ကောင်လေးတွေအုပ်စုလိုက်ကြီးတဟေးဟေးတဟားဟားနဲ့အော်ဟစ်သွားတာကိုမြင်လိုက်ရတော့
သူတို့ကိုလိုက်ကြည့်ရင်းက စိတ်တွေမောသွားပါတယ်။
ကိုယ်ကသာသူတို့ကိုကြည့်ပြီးမောနေလိုက်တာ သူတို့က ကိုယ်ကြည့်နေမှန်းတောင် သိမယ်မထင်ပါဘူး။
ကိုအောင်မောင်းက “ဖြေလေဗျာ”ဆိုတော့မှ” ကျနော့်အမြင်ကတော့ ဒါတွေက တိုက်ဆိုင်မူ့ကစလာတယ်ထင်တာဘဲ “လို့ဖြေလိုက်တော့သူက ” ဘာဆိုင်လို့လဲ”
ဆိုတဲ့မျက်နှာပေးနဲ့ကြည့်လိုက်ပါတယ်။
“တစ်ခါတစ်လေလူဆိုတာ အဆင်မပြေတာတွေ့ရင်ဘာကြောင့်ညာကြောင့်ဆိုတာတွေနဲ့ချိန်ထိုးကြည့်ကြ အဖြေရှာကြတာကိုးဗျ ၊ဒုက္ခနဲ့တွေ့ကြတဲ့အခါပိုဆိုးတာပေါ့
ဒီအခါမျုိးမှာ ဘာမလုပ်လို့ ညာမလုပ်လို့ ဘယ်သူ့တောင်းပန်လိုက်ရင်ရတယ် ဘာညာနဲ့ ၀ိုင်းပြောကြတဲ့အခါ ဟုတ်တာမဟုတ်တာအပထား လုပ်လိုက်လို့ အဆင်ပြေသွားတဲ့အခါ ဒါကြီးက ဓလေ့ထုံးစံလို ကိုးကွယ်စရာလို ဖြစ်လာတော့တာပေါ့”
“တကယ်တမ်းသေသေချာချာစဥ်းစားကြည့်ရင် ကိုးကွယ်တယ်ဆိုတာ ကြောက်ရွံ့မူ့ကစတာဘဲ၊ကြောက်တော့အားကိုးစရာရှာတယ်။အဲဒီအခါမှာကိုယ့်ထက်သာတယ်အားကိုးလို့ရမယ်ထင်တာကို အားကိုးတကြီးနဲ့ကိုးကွယ်တော့ပါဘဲ
အဲဒီအခါမှာ လူအမျုိးမျုိးစိတ်အထွေထွေဆိုသလို ကိုယ်သန်ရာသန်ရာကို ကိုးကွယ်ကြတော့ ကိုးကွယ်စရာတွေအများကြီး ဖြစ်ကုန်တော့တာပေါ့။
တစ်ချို့ ကျောက်တုံးအကြီးကြီး သစ်ပင်အကြီးကြီး အဲဒီကစလို့ အဲဒီကျောက်တုံး တို့သစ်ပင်တို့ကိုစောင့်တဲ့ အစောင့်တို့နတ်တို့ကို တစ်ဆင့်မြင့်ပြီးကိုးကွယ်တော့တာပေါ့
အဓိကအချက်ကတော့ ဒါတွေက စိတ်လုံခြုံ့မူ့သက်သက်အတွက် အကာအကွယ်ယူကြတာပါ”
” ကျနော်က သာမန်ရိုးရိုးအမြင်နဲ့ပြောကြည့်တာပါ ဘာမှသိပ်မစဉ်းစားတတ်တဲ့အမြင်နဲ့တွေးကြည့်တာပါ ဖြန့်တွေးမယ်ဆိုရင် မတူသောအမြင်တွေအများကြီးထွက်လာမှာပါ။သေချာတာတစ်ခုကတော့ တိုက်ဆိုင်မူ့တစ်ခုက ယုံကြည်မူ့ကို ပိုခိုင်မာစေတယ်ဆိုတာပါဘဲ။
ဒီအကြောင်းနောက်ကြုံမှပြောပြမယ် ပြန်ကြစို့နေမြင့်ပြီ”ဆိုပြီးစကားလက်စသတ်လို့ လမ်းလျှောက်ရင်းပြန်ခဲ့ကြပါတယ်။
ကိုအောင်မောင်းက ဘာမှထပ်မပြောတော့ပေမယ့် သိပ်သဘောတွေ့ပုံတော့မရပါဘူး။
ကျနော်လဲလမ်းလျှောက်ရာကနေကိုအောင်မောင်းနဲ့လမ်းခွဲပြီးပြန်လာရင်း ကျနော်ငယ်ငယ်က ကျနော်တို့ဆွေမျုိးစုတွေကြားဖြစ်ခဲ့တာလေးကိုသတိရမိပါတယ်။
ဒါကလဲ ကျနော်က မျက်မြင်ကိုယ်တွေ့တော့မဟုတ်ပါဘူး။
ဒါပေမယ့်ဒီအဖြစ်အပျက်က ကျနော်တို့အမျိုးစုထဲမှာမေ့ဖျောက်မရနိုင်သောအဖြစ်အပျက်ပါ။
ကျနော်အဖေရဲ့အမေရဲ့အမေဆိုတော့ကျနော့်အဘေးလို့ပြောရမှာပေါ့၊(ကျနော်ကတော့ဓါတ်ပုံကိုသာမြင်ဘူးပါတယ်။)တို့ မုံရွာနယ်ဘက်ကပါ။
အမေ့ဘက်ကလဲ မုံရွာနယ်ဘက်ကပါဘဲ။ရွာတော့ မတူဘူးပေါ့။တူတာကတော့ အလုံဘိုးဘိုးကြီးကို ကိုးကွယ်ကြတာပါ။
အလုံဘိုးဘိုးကြီးပွဲက နှစ်စဉ်နှစ်တိုင်းမတ်လထဲမှာ ပွဲကျင်းပလေ့ရှိပါတယ်။
ကျနော်တို့ငယ်ငယ်က နွေရာသီကျောင်းပိတ်ပြီဆိုရင် အလုံပွဲကို သွားဘို့အတွက် လူကြီးတွေက ပြင် ကျနော်တို့ ညီအကိုဝမ်းကွဲမောင်နှမ၀မ်းကွဲတစ်စုကလဲပျော်လို့ပါ။
ကျနော်တို့ငယ်ငယ်က အဲဒီပွဲကိုသွားရင် မီးရထားနဲ့ဘဲသွားပါတယ် ကားလမ်းပေါက်ပေမယ့်ဘယ်တော့မှကားနဲ့မသွားပါဘူး။ဘာလို့လဲဆိုတာနောက်ကျရင်သိလာမှာပါ။
မီးရထားနဲ့သွားတယ်ဆိုရင် တစ်ယောက်နဲ့တစ်ယောက်စကြ ဆော့ကြ ရန်ဖြစ်ကြ ဆူညံပွက်လောရိုက်လို့ လမ်းရပ်သမျှဘူတာတွေမှာမုန့်ဝယ်စားကြနဲ့ပျော်စရာကောင်းလှပါတယ်။ပြန်တွေးရင်လွမ်းပါတယ်။
အမှတ်အရဆုံးကတော့ အာလကကပ္ပဘူတာရောက်ရင် စားရတဲ့ဇီးသီးကိုယိုထိုးထားတဲ့အထဲကိုသကြားတွေဖြူးလို့ညောင်ရွက်နဲ့ထည့်ထားပေးတဲ့ ဇီးယိုပါဘဲ။
အလုံကိုရောက်ပြီဆိုတာနဲ့လူကြီးတွေက အထုပ်တွေတစ်ဖက် ကျနော်တို့ကလေးတွေတစ်ဖက်နဲ့ ဘိုးဘိုးကြီးနန်းကို အရင်ဆုံးပြေးလို့ ကျနော်တို့အဘွား
နန်းဦးတိုက်ရပါတယ်။ကျန်တဲ့သူတွေကတော့ နန်းအောက်မှာနေခဲ့ရပါတယ်။ပြီးပြီဆိုမှ ကျနော်တို့တည်းတဲ့ဘုန်းဘုန်းကျောင်းကိုသွားရပါတယ်။
ထူးခြားတာကတော့ ဒီအလုံဘိုးဘိုးကြီးပွဲတော်မှာ ဘယ်ဇာတ်ဘယ်ပွဲလမ်းသဘင်မှာ မပါတာပါ။
ပွဲတော်ရက်မတိုင်ခင် လူကြီးတွေက လှူကြတန်းကြ ကျနော်တို့အဘေးကိုရည်စူးလို့ ဆွမ်းကပ်ကောင်းမူ့ကုသိုလ်တွေလုပ်ကြ နဲ့အလုပ်တွေရှုပ်နေချိန်ကျနော်တို့တတွေက
ကျောင်းအနောက်ဘက်က ရေစပ်စပ်လေးသာ ရှိတဲ့ချင်းတွင်းမြစ်ကသဲသောင်တွေပေါ်မှာ အရပ်ခံကိုရင်လေးတွေနဲ့ဆော့ကြ ကုလားပဲပင်တွေကိုနုတ်မီးဖုတ်လို့စားကြရပါတယ်။
အလုံဘိုးဘိုးကြီးကြွလာတဲ့နေ့ရောက်ရင် လူကြီးတွေက ကျနော်တို့ကလေးတွေကိုဆောင်ရန်ရှောင်ရန်တွေတတွတ်တွတ်မှာပါတော့တယ်။
အထူးသဖြင့်မြေးထဲမှာ အကြီးဆုံးဖြစ်တဲ့ကျနော်ကို အဘွားက ” ကိုပေါက်နော် ကိုပေါက်နော်”ဆိုပြီးတတွတ်တွတ်မှာပါတယ်။
ဘာလို့လဲဆိုတော့အဘွားပြောလို့ ဒီသတ်မှတ်ချက်တွေကိုသိလာရပါတယ်။
အလုံဆက်တွေက မိသားစု ကြီးတစ်စုလုံးရဲ့ပထမဆုံးသောသားဦးသမီးဦး တွေက ကိုယ်ကျထားတဲ့ လုပ်ဆောင်မယ့်တာဝန်ကိုဆက်လက်အမွေခံရပါတယ်။
ကျနော်အဘေး (အဖွားရဲ့အမေ)က မွေးချင်းထဲမှာ အကြီးဆုံးဒီတော့အလုံဘိုးဘိုးကြီးနဲ့ပါတ်သက်တဲ့တာဝန်ကို ယူရ ပါတယ်။
အဘေးကမွေးလာတဲ့သားစဉ်မြေးဆက်ထဲက အကြီးဆုံးသားဦးသမီးဦးတွေက လက်ဆင့်ကမ်းလို့ တာဝန်ဆက်ယူရပါတယ်။
ဒီတော့ ကျနော့်အဖွား အဖွားပြီးရင် အဖေ အဖေပြီးရင်ကျနော်ပေါ့၊
အလွယ်ဆုံးပြောရရင် အားလုံးသိတဲ့ အင်္ဂလန်နန်းစဉ်နန်းဆက် ဘုရင်ဆက်ခံရသလိုပါဘဲ။
ကျနော့်အမေဘက်ကြတော့အဖေ့ဘက်လောက်တာဝန်မကြီးပါဘူး။
အမေတို့က မုန့်ဆီကြော် ကြော်ပြီးဝေလိုက်ရင်တာဝန်ကျေပါပြီ။
ဒီအလုံဘိုးဘိုးကြီးက နွားနဲ့ပါတ်သက်ရင်ဘာမှ အသုံးမပြုရပါဘူး။
ကျွဲလှည်းတွေကို သာအသုံးပြုလို့လှည့်ပါတယ်။
ကျွဲလှည်းနဲ့လိုက်ပါပို့ဆောင်ရတဲ့တာဝန်ယူရရှိတယ်၊
လှည့်လာတဲ့အချိန်မှာလှည်းတွေကိုလက်ဖက်ထုပ်နဲ့ပေါက်ရတဲ့တာဝန်ကိုယူရတဲ့သူရှိတယ်။
အောက်ကျသွားတဲ့လက်ဖက်ထုပ်ကိုကောက်ရတဲ့တာဝန်ရှိတယ်။
အဲလိုလုပ်နေတာကို မေးထောက်လို့စောင့်ကြည့်ရတဲ့တာဝန်ယူရတာရှိတယ်။
ကျနော်ဆက်ခံရမယ့်တာဝန်ကိုပြောရရင် ကျနော်တို့ အမျိုးက”နန်းဦးတိုက်” တာဝန်ပါ။
ပွဲတော်ကိုလာရာလမ်းမှာ ဘယ်မှာမှမနားရ မ၀င်ရပါဘူး။ဘိုးဘိုးကြီးကို အရင်ဆုံးဦးတိုက်ပြီးမှသာ ကျန်တဲ့ဆီကိုသွားရပါတယ်။
တကယ်လိုများမလာနိုင်ရင် ရေစင်ဘိုးဆက်လို့တောင်းပန်ရပါသတဲ့။
တစ်နှစ်မှာကျနော့်အဘေးကြီးက ပွဲတော်ကိုသွားမယ်ဆိုတော့ အိမ်နားကလူတွေလဲမရောက်ဘူးလို့လိုက်ချင်ပါသတဲ့။
ဒါနဲ့ဘဲအဲဒီခေတ်က ဘိုက်ပူဘတ်စ်ကားကြီးကိုငှား ထိုင်ခုံတွေဖြုတ် အလယ်မှာဖျာတွေ ကော်ဇော်တွေခင်းလို့သွားကြပါသတဲ့။
ဖြစ်ချင်တော့အဲဒီတုန်းကအဘေး ရယ်သူညီမအငယ်ဆုံးရယ် သာလိုက်ပြီး ကျန်တာကအိမ်နီးနားခြင်းတွေနဲ့သူတို့ရဲ့မိတ်ဆွေမိသားစုလဲပါလာပါသတဲ့။
အဘေးက မသွားခင်ကတည်းက အမဲသားဝက်သားနဲ့ပါတ်သက်တာမထည့်ဘို့အတန်တန်မှာပါသတဲ့။
ဖြစ်ချင်တော့လမ်းမှာပါလာတဲ့ ပါလာတဲ့တဆင့်ခံမိတ်ဆွေက လမ်းမှာ ဆိတ်သားခြောက်ကြော်အစည်းတွေဝယ်မယ်လုပ်တော့ အဘေးက မသန့်ဘူးထင်တော့မ၀ယ်ဘို့ တားပေမယ့် သူတို့က ၀ယ်လိုစားကြပါသတဲ့။
ဖြစ်ချင်တော့ မုံရွာမြို့မရောက်ခင်ညနေစောင်းမှာ ကားပျက်ပါသတဲ့။
အဘေးကတော့ကားပြင်ပြီးဆက်သွားမယ် မနားချင်ဘူးလို့ပြောပါတယ်။
ဒါပေမယ့်ကားမောင်းတဲ့လူကရော အားလုံးကရော လမ်းခရီးမှာ အဲဒီတုန်းကအခုလိုမသာယာသေးမလုံခြုံသေးတော့ ဓါးပြတိုက်ခံရမှာကြောက်တော့ဆက်မသွားချင်ကြပါဘူး။
ဒါနဲ့ဘဲ အဘွားရဲ့မောင်တ၀မ်းကွဲတော်တဲ့အိမ်မှာစုလို့ဝင်တည်းကြပါသတဲ့။
ဖြစ်ချင်တော့နောက်နေ့မနက်လေးနာရီလောက်မှာ အဘေးက သူအိပ်တဲ့အပေါ်ထပ်ကနေ အိမ်သာသွားဘို့အဆင်းမှာ ခြေချော်ပြီးလှေကားကပြုတ်ကျပါတော့တယ်။
လှေကားကအပိတ်မဟုတ်တဲ့အပြင် ကျဲလဲကျဲ မြင့်လဲမြင့်တော့လှေကားခြားထဲကနေမြေပြင်ပေါ်ကိုတိုက်ရိုက်ကျသွားပါတယ်။
အဘေးက ပိန်ပိန်သေးသေးလေးကိုးဗျ။
အဲဒီမှာလည်ပင်းရိုးကျုိးပြီး ကွယ်လွန်သွားပါတယ်။
ဒီအဖြစ်အပျက်က ကျနော်တို့ဆွေမျုိးစုမှာမေ့ပျောက်မရနိုင်သောဆုံ့းရှုံးမူ့ကြီးတစ်ခုပါ သားစဉ်မြေးဆက်လက်ဆင့်ကမ်းလာတဲ့ဖြစ်ရပ်မှန်ပါ။
အဲဒီမှာအရင်ကတည်းက အလုံပွဲတော်ကို လာရင်လမ်းဘယ်မှမ၀င်ရဘူးဆိုတာကို ဒီတိုက်ဆိုင်မူ့က ပိုခိုင်မာအောင်လုပ်ပေးလိုက်ပါတယ်။
အဲဒီအချိန်ကစလို့ ကျနော်တို့အဖွားဟာသူမကွယ်လွန်မှီအချိန်ထိနှစ်တိုင်းမှန်မှန်သွားပါတယ်။
ကားနဲ့ဘယ်တော့မှမသွားပါဘူးရထားနဲ့ဘဲသွားတယ် သွားပြန်ရင်လဲ အလုံမရောက်မခြင်း ရထားအောက်ကမြေကြီးပေါ်ကိုတောင်မဆင်းပါဘူး။
ဒါကိုကြည့်ပြီးအဘွားကို အစွဲအလမ်းကြီးတာမှားတယ်လို့သွားပြောလို့မရပါဘူး။
တစ်ခုခုဖြစ်ရင်မင်းတာဝန်ယူမလားလို့ပြန်မေးလိုက်ရင် ဘယ်လိုပြန်ဖြေရမယ်ဆိုတာမသိပါဘူး။
အပွင့်လင်းဆုံးပြောရရင် ကျနော်တို့ကစာတွေအစုံဖတ်တော့ ဒီရိုးရာအစွဲအလမ်းကိုငယ်ငယ်ကသိပ်မယုံကြည်သလိုအလေးလဲမထားခဲ့ပါဘူး။
တစ်ခါတစ်လေ ကန့်လန့်တိုက်ပြီးပြောတာတွေတောင် ရှိခဲ့ဘူးပါတယ်။
ကိုယ့်ကိုယ်ရဲရင့်တယ်ပြတ်သားတယ် ဆိုပြီး ဒီလိုယုံကြည်သူတွေကိုစကားလုံးအမြင့်ကြီးတွေသုံးလို့ ပက်ပက်စက်စက် နှိပ်ကွပ်ခဲ့ဘူးတာတောင်ရှိပါတယ်။
ဒါကိုနောင်တရသွားစေတာ ကျနော်အတွေးတွေပြောင်းသွားစေတာက လွန်ခဲ့တဲ့ငါးနှစ်လောက် ကပြင်ဦးလွင်ကိုအလည်သွားကြတုံးကပါ။
တစ်ခါက ရန်ကုန်မှာနေတဲ့မိတ်ဆွေမိသားစုက အထက်မြန်မာပြည်ကိုနွေကျောင်းပိတ်ရက် မှာ တစ်မိသားစုလုံးဘုရားဖူးထွက်ပါတယ်။
ကျနော်အိမ်မှာမတည်းပေမယ့် ကျနော်က တစ်ရက်ပြင်ဦးလွင်ကိုလိုက်ပို့ဘို့တာဝန်ယူပါတယ်။
ဒါနဲ့ကျနော်က ဟိုင်းလတ်တစ်စီးငှားလိုက်ပါတယ်။
မနက်သူတို့တည်းတဲ့တည်းခိုခန်းကိုသွားခေါ် မနက်စာမုန့်စားပြီး ထွက်လာကြပါတယ်။
ရှေ့ခန်းမှာ ကျနော်ရယ် မိတ်ဆွေရယ် ကားဆရာရယ်သုံးယောက် နောက်ကတော့ ကလေးတွေနဲ့မိသားစုတွေပေါ့။
မန်းလေးအထွက်ဘိုးဘိုးကြီးနန်းရောက်တော့ ကားဆရာကပန်တော်ပန်းဝယ်မယ်လုပ်တော့ ကျနော်က မ၀ယ်နဲ့အပိုတွေဆိုတားတော့ ကားဆရာမျက်နှာပျက်သွားပါတယ်။
သွားနေရင်း ကကားဆရာက တစ်ခုခုကိုသတိရသလိုနဲ့ ကားကိုလမ်းဘေးချရပ်လိုက်ပါတယ်။နောက်ကားနောက်ခန်းကိုဆင်းကြည့်ပြီး လမ်းဘေးမှာရှိတဲ့ခဲလုံးတစ်လုံးကိုကောက်လို့ “မောင်ကျောက်ခဲရေအလည်လိုက်ခဲ့ဟေ့”လို့ခေါ်ပြီးကားခေါင်းခန်းက ဒက်ရှဘုတ်ပေါ်မှာတင်လိုက်ပါတယ်။
ကျနော်က သိရဲ့သားနဲ့ ” ဘာဖြစ်တာလဲ”လို့မေးလိုက်တော့ “ဆရာ ကိုးယောက်ကွက်တိဖြစ်နေလို့ ဆယ်ယောက်ဖြစ်အောင် မောင်ကျောက်ခဲကိုပါခေါ်လာတာပါ”
လို့ရိုရိုသေသေပြန်ဖြေတာကို ကျနော်က “အပိုတွေပါကွာ “လို့ပြောလိုက်ပါတယ်။
ပြင်ဦးလွင်တို့ ကျောက်ဆယ်နဲ့တို့က ကိုးခရိုင်အယူရှိကြတော့ ကိုးဂဏန်းကိုရှောင်ကြတဲ့အယူရှိပါတယ်။
နာမယ်ကျော်ရူ့ခင်းသာဗျူးပွိုင့်ကိုရောက်တော့အားလုံးက ဆင်းပြီး သာယာတဲ့ရူ့ခင်းတွေကိုကြည့်ကြ ဓါတ်ပုံတွေရိုက်ကြလုပ်နေတဲ့အချိန်မှာ ကျနော်ကကားဆရာယူလာတဲ့မောင်ကျောက်ခဲကိုချောက်ထဲပစ်ချလိုက်ပါတယ်။
အားလုံးကားပေါ်ပြန်တက်ကြပြီးခရီးဆက်သွားကြရင်းကားဆရာက သူတင်လာတဲ့မောင်ကျောက်ခဲ့ရောလို့မေးလဲမေးရောကျနော်ကချောက်ထဲပို့လိုက်ပြီလို့ဖြေလိုက်တဲ့အချိန်ကစလို့ စကားတခွန်းမှမပြောတော့ပါဘူး။
ကျနော်မိတ်ဆွေကလည်းမျက်နှာမသာမယာဖြစ်သွားပါတယ်။
နောက်ဘုရားရောက်ကြတော့ သူ့မိသားစုနဲ့စကားတွေတိုးတိုးတိုးတိုးပြောနေတာကိုတွေ့ရပေမယ့်ကျနော်ကတော့သိပ်ဂရုမထားလိုက်ပါဘူး။
ပြည်ချစ်ဘုရားကိုဝင်ဖူးပြီးတော့ ဘယ်သွားမလဲမေးတော့အားလုံးကအင်တင်တင်နဲ့ဖြစ်ကုန်ပါတယ်။
အတိုချုပ်ပြောရရင် သွားသာသွားနေကြတာ ရင်ထဲကယုံကြည်မူ့အစွဲကရှိနေတော့ တစ်ခုခုဖြစ်များဖြစ်လေမလားဆိုတဲ့အစွဲကသူ့တို့စိတ်ကို အနှောင့်အယှက်ပေးနေတော့
သူတို့မှာသွားသာသွားနေရတာ ပျော်ရွှင်မူ့တွေဆိတ်သုဉ်းပြီးသွားအလကားဖြစ်ကုန်ပါတယ်။
အပြန်လမ်းထိချောချောမွေ့မွေ့အိမ်ပြန်ရောက်ကြပါတယ်။
ဒါပေမယ့်ရောက်လို့သာပြန်လာတယ် ပျော်ရွှင်သောခရီးတစ်ခုမဟုတ်တာကတော့ အသေအချာပါဘဲ။
အဲဒီအခါကျမှ ကျနော်ဇွတ်တရွတ်လုပ်မိတာကိုနောင်တရလို့မဆုံးပါဘူး။
အဲဒီအချိန်ကစလို့ ကျနော့်ဒီလိုစွဲလမ်းယုံကြည်သူတွေကို ကျနော်မတိုက်ခိုက်တော့သလို အပြစ်လဲမတင်တော့ပါဘူး။
ကျနော်ယုံတာမယုံတာ အပထား (အခုထိလဲဒါတွေကိုမယုံကြည်ပါ)သူများယုံကြည်မူ့ကိုမဖျက်ဆီးတော့ပါ။
ဒါလေးတွေက သူ့ရဲ့စိတ်ဓါတ်လုံခြုံမူ့ကိုးဗျ။
တကယ်တမ်းကျနော်တို့လူတွေရဲ့လိုအပ်ချက်မှာစိတ်လုံခြုံမူ့ရှိဘို့လဲ အတော်အရေးကြီးတာကိုးဗျ။
စိတ်လုံခြုံဘို့အတွက် ဘုရားတရားကိုးကွယ်တယ်။
သံဃာတော်ကိုဆည်းကပ်တယ်။
ဂုဏ်တော်တွေရွတ်တယ်၊ဂါထာတွေရွတ်တယ်။
နတ်ကိုးကွယ်တယ် ရိုးရာဓလေ့ကိုလိုက်နာတယ်။
ဗေဒင်မေးတယ်နတ်ကတော်မေးတယ် အကြားအမြင်ဆရာဆီသွားတယ် ယတြာခြေတယ်။
ကိုယ်ယုံကြည်မူ့အလိုက်ကိုယ်သန်ရာအလိုက် စိတ်လုံခြုံအောင်ကြိုးစားလုပ်ကြပါတယ်။
တကယ်စစ်စစ်ပေါက်ပေါက် ဘုရားရဲ့မြတ်သောတရားတော်များနဲ့ ညိနှိုင်းလို့ပြောရင်တော့မှားယွင်းတယ် အယူမှားတယ်လို့ဆိုချင်ဆိုနိုင်ပါတယ်။
ဒါပေမယ့်လူဆိုတာ ကိုယ်ဥာဏ်မှီသလောက်နဲ့ကိုယ်လုပ်ကိုင်ကြတယ်ဆိုတော့လဲ အပြစ်လုံးလုံးကြီးရယ်လို့တော့ပြောလို့မရဘူးလို့ မျှတစွာတွေးမိပါတယ်။
တစ်ခုတော့ ပြောချင်ပါတယ် ဒါကျနော့်အတွေးဆိုတော့ မှန်ချင်မှလဲမှန်မှာပါ။
မြန်မာပြည်မှာ ကိုယ်ကို ကိုယ်အဆုံးစီရင်သူနည်းပါးပါတယ်။အခြားသောနိုင်ငံတွေမှာတော့ မြန်မာပြည်ထက်များတယ်လို့ ထင်ပါတယ်။
အဓီကအချက်ကတော့ စိတ်အပူတွေကို ကူညီလို့ရော့ပါးအောင်လျှော့ပေးသူတွေမရှိတာကြောင့်လို့ထင်ပါတယ်။
မြန်မာပြည်မှာကတော့ ဟုတ်တာ မဟုတ်တာ အဆုံးထိစစ်စစ်ပေါက်ပေါက်တွေးရင် မှန်တာမမှန်တာ အပထား
စိတ်ညစ်ရင်ဗေဒင်ဆရာဆီပြေးလိုက် ဟိုကယတြာလေးပေးလိုက် သူပြောတဲ့အတိုင်းလုပ်လိုက်ရင်စိတ်အပူတော့ရော့သွားကြတာအမှန်ပါ။
အဆင်မပြေတာလေးရှိရင် ရိုးရာဓလေ့ ကျွမ်းကျင်သူဆီပြေးလိုက် ဟိုကဘာလုပ်လိုက်ညာလုပ်လိုက်ဆိုတဲ့အတိုင်းလုပ်လိုက်ရင်စိတ်ပေါ့သွားတာလဲငြင်းမရပါ။
တစ်ခြားသူတွေကိုတော့ ကျနော်မပြောလိုပါ။
ကျနော်ကတော့ တစ်ခြားသူက သူ့စိတ်လုံခြုံ့ဘို့အတွက်သူ့ဘာသာသူ ယုံကြည်သလောက်လုပ်တာကို ကျနော်မဝေဖန်မနှောင့်ယှက်တော့ဘို့ဆုံးဖြတ်ပြီးဒီအတိုင်းကျင့်သုံးနေတာကတော့တော်တော်ကြာသွားပါပြီ။
တကယ်တမ်းတော့လဲလူဆိုတာ ကိုယ်ယုံကြည်တာကို ကိုယ်နိုင်သလောက်လုပ်နေတာစိတ်အချမ်းသာဆုံးပါဗျာ။
ဒါကတော့သာမန်လူတစ်ယောက်လို ရိုးရိုးလေးတွေးကြည့်မိတာပါနော်။

ကျနော်တို့ မြန်မာလူမျိုးများဟာ အလှူအတန်း ရက်ရောတယ်လို့ ထင်ရှားပါတယ်။ ဒါကြောင့် အခု  ထူးခြားတဲ့ အလှူဒါနလေးတစ်ခုနဲ့ မိတ်ဆက်ပေး ပါရစေ။ အဲဒီအလှူက ငွေကြေး အကုန်အကျလည်း မရှိပါဘူး။ ကိုယ့်ရဲ့ အားလပ်ချိန်လေးမှာ တတ်နိုင်သလောက် လုပ်သွားလို့ ရပါတယ်။ အချိန်လေး နည်းနည်းလောက် ပေးနိုင်ရင် ရပါတယ်။ အဲဒါကတော့ ရန်ကုန်၊ မျက်မမြင်ကျောင်း (ခဝဲခြံ) က မျက်မမြင်တွေအတွက် အသံအလှူဒါနပါ။
မျက်မမြင်ကျောင်း (ခဝဲခြံ) မှာ ဒီနှစ် မူလတန်းကနေ အထက်တန်းအဆင့်အထိ ကျောင်းသား ၇၁ ဦး ရှိပြီး အသက်မွေးဝမ်းကျောင်း လက်မှုပညာ သင်ကြားနေတဲ့ ကျောင်းသား ၇၉ ဦး ရှိပါတယ်။ အဲဒီ မျက်မမြင် ကျောင်းသားတွေ ဖတ်နိုင်အောင်လို့ စီမံထားတဲ့ မျက်မမြင်စာအုပ်တွေ ရှိပေမဲ့ စာအုပ်အထူကြီးတွေ၊ လုံးချင်းဝတ္တု တွေကို မျက်မမြင် စာအုပ်ထုတ်ဖို့ အခက်အခဲ ရှိပါတယ်။ အဲဒါကြောင့် Talking Book အဖြစ်နဲ့ ထုတ်ဝေဖို့ စီစဉ်တာပါ။ လစဉ်ထုတ် မဂ္ဂဇင်းတွေ၊ စာစောင်တွေ၊ သုတရသ စာအုပ်တွေကို မျက်မမြင် ကျောင်းသားတွေအတွက် Talking Book အဖြစ် ပြောင်းလဲ ထုတ်ပေးပါတယ်။အဲလိုမျိုး Talking Book တွေ ထုတ်ပေးတဲ့ နေရာမှာ ကျောင်းမှာရှိတဲ့ ဝန်ထမ်း အင်အားနဲ့ မလုံလောက်တဲ့ အတွက် အသံအလှူရှင်တွေ ဖိတ်ခေါ် ထားပါတယ်။
အသံအလှူရှင်တွေ အနေနဲ့ ကိုယ်အားတဲ့ အားလပ်ရက်တွေမှာ ကျောင်းမှာ ရှိတဲ့ အသံသွင်းခန်းမှာ သွားရောက်ပြီး အသံဒါန ပြုနိုင်ပါတယ်။ Talking Book အဖြစ် ပြောင်းလဲပေးရမယ့် စာအုပ်တွေလည်း ကျောင်းမှာ အဆင်သင့် ရှိနေပါတယ်။ အသံအလှူရှင်တွေ အနေနဲ့ ကိုယ်ပေးနိုင်တဲ့ အချိန်ပေါ်မှာ မူတည်ပြီး ဆောင်းပါး တစ်ပုဒ်ချင်း၊ ဝတ္ထုတစ်ပုဒ်ချင်းက စပြီး လုံးချင်းစာအုပ်တွေ အထိ ဖတ်ပေးနိုင်ပါတယ်။ မျက်မမြင်ကျောင်းကို မသွားရောက်နိုင်တဲ့ အလှူရှင်တွေ အနေနဲ့ ကိုယ်တိုင် အသံသွင်းပြီး အသံဖိုင်ကို လှူဒါန်း နိုင်ပါတယ်။ အဲလိုမျိုး လှူဒါန်းမယ်ဆိုရင် အသံ အရည်အသွေး ကောင်းမွန်ဖို့ ဂရုစိုက်ရပါမယ်။  Read more... (181 words, 1 image, estimated 43 secs reading time)

ယိုင်နဲ့နဲ့ ခြေလှမ်းနဲ့
စည်းချက်မမှန်တဲ့ နှလုံးခုန်သံတွေနဲ့အတူ
ဘ၀တွေထဲလျှောက်မိတဲ့အခါ
ပတ်ထားတဲ့ လက်ပတ်နာရီတောင်
ရပ်တန့်နေပါပေါ့….
သက်ပြင်းတွေအခါခါချ
ပတ်ဝန်းကျင်ကို ဝေ့၀ိုက်ကြည့်မိတဲ့အခါ
ပြုံးပြနေတဲ့ ၀န်းကျင်တစ်ခုလုံးက
ငါ့ကို လှောင်ပြုံး ပြုံးနေတာလား…
အားပေးနှစ်သိမ့်ပြုံးတွေလား…
မရေရာ ဝေခွဲခက်စွာနဲ့
အပြုံးတု အပြုံးစစ်ဆိုတာ
ဘာတွေနဲ့တိုင်းတာမိပါလိမ့်
ကြမ်းတမ်းခက်ထန်
ဘ၀လှိုင်းဒဏ်ကြား
အလူးအလဲခံရင်း
ချော်လဲပြန်ထ အခါခါပြုခဲ့
ငါ့ရခဲ့တဲ့ ဒဏ်ရာ
အမာရွတ်များတောင် ဖြစ်နေခဲ့ပေါ့…..
မသက်သာ ဒီဘ၀မှာဖြင့်
ဟန်ဆောင် မချိပြုံး အခါခါပြုံးရင်း
လောကကြီးထဲ လမ်းဆက်လျှောက်ဆဲ
တစ်ခါတလေ စဉ်းစားမိခဲ့
လေဒဏ်မိုးဒဏ်ခံနိုင်တဲ့
ဝါးပင်ဖြစ်ရရင် ကောင်းမလား
ဒါမှမဟုတ်
ထုသားပေသားကျနေတဲ့
ကျောက်ငရုတ်ဆုံဖြစ်ရရင်ကော
သြော် ဘာပဲဖြစ်ဖြစ်
လူဟာ လူပဲ
သဘာဝတရားက သူ့အလိုလိုဖန်တီးခဲ့
ဘယ်အရာမဆို ကြံ့ကြံ့ခံ ခုခံရင်း
ခံစားချက်နဲ့ ရှေ့ကိုဆက်မယ်
ငါဟာ……
လူသားတစ်ယောက်ဖြစ်တယ်

“ ဖေဖေ၊ လူတစ်ယောက်နဲ့ တစ်ယောက် ကံချင်းမတူနိုင်သလို ပါရမီချင်း မတူနိုင်ဘူးလို့ လူတော်တော်များက ပြောနေကြတယ်။ ကံဆိုတာဘာလဲ၊ ပါရမီဆိုတာကရော  ဘယ်နှစ်ပါးရှိလဲဟင် ?”

“ သမီး ကံဆိုတာ ပါဠိသက် ကမ္မက ဆင်းသက်လာတာ။ အင်း ပြောရရင်တော့ သမီးရယ် အလုပ်လို့ ခေါ်တယ်။ မြတ်စွာဘုရားက “အကြင်သူသည် ကံကို ပြုငြားအံ့၊ ထိုကံ၏ အကျိုးကို အကြင်သူသည် ခံစားရလတ္တံ့” လို့ ဆုံးမခဲ့ဖူးတယ်။ ဆိုလိုတာကတော့ ကိုယ်က ကောင်းမှုကို ပြုရင် ကောင်းတဲ့အကျိုးကို ခံစားရမယ်ပေါ့။ ဒါကြောင့်လည်း “ကိုယ်ပြုတဲ့ကံ ကိုယ့်ဆီပြန်”လို့ ဆိုကြတယ်မလား။ ဘယ်အလုပ်ကိုပဲလုပ်လုပ် သမီး မှတ်ထားဖို့က စေတနာနဲ့လုပ်၊ စိတ်ကောင်းနဲ့လုပ်၊ ကိုယ်ချင်းစာတရားနဲ့လုပ်၊ ၀ီရိယထည့်ပြီး ကြိုးစားပမ်းစားလုပ်။ ဒါဆိုရင် သမီး အမြဲကံကောင်းနေမှာ။ စေတနာကောင်းရင် ကံကောင်းတယ်ဆိုတဲ့ စကားလည်း ရှိတယ်လေ”

“ဟုတ်ပါတယ် ဖေဖေ။ သမီး ဒါကို ယုံကြည်ပါတယ်။ ဘယ်အလုပ်ပဲလုပ်လုပ် ကိုယ့်တာဝန်ကိုယ်ကျေအောင် လုပ်မယ်။ ပြီးတော့ အောင်မြင်ရမယ်ဆိုတဲ့စိတ်ကိုလည်း သမီးရင်ထဲမှာ စွဲစွဲမြဲမြဲထားပါတယ်။ နောက်ပြီး စိတ်ထားကောင်းရင် ကံကောင်းမှာပဲဆိုတာ သမီး လက်ခံထားမိတယ်။ ဘယ်သူတွေ ဘယ်လောက် ကောင်းကောင်း မကောင်းကောင်း သမီးဘက်က သည်းခံသင့်တဲ့အတိုင်းအတာထိ တတ်နိုင်သရွေ့ သမီး ကောင်းအောင် နေသွားမှာပါ။ ဘုန်းဘုန်းအရှင်ရာဟုလာက cbox ထဲမှာ လာရေးသွားတယ်ဖေဖေ အရမ်းကြီး သည်းခံနေရင်လည်း လူတုံးလူအ ဖြစ်သွားလိမ့်မယ်တဲ့။ သြော် ဒါနဲ့ ပါရမီဆိုတာကရော….”  Read more... (198 words, estimated 48 secs reading time)

ဗုဒ္ဓ၏အလိုတော်ကျ ကျေးဇူးတော်ရှင် ဝေဘူဆရာတော်ဘုရားကြီး
အစဉ်ဟောကြားတော်မူလေ့ရှိသော တရားတော်များ
သီလဆောက်တည်ပြီးလျှင် ပြည့်စုံအောင်ဖြည့်ကြ၊ ဖြည့်လို့ပြည့်စုံပြီဆိုလျှင် မိမိစိတ်အလိုတောင်းတတဲ့ အတိုင်းပြီးမယ်။ ယခုလည်းချမ်းသာမယ်။ နောင်လည်းချမ်းသာမယ်။
ပစ္စုပ္ပန်ချမ်းသာ၊ သံသရာချမ်းသာ နှစ်ဖြာကို ပေးစွမ်းနိုင်တာဟာ ဘုရားရှင်အဆုံးအမတော်ကလွဲလို့ တခြားမရှိဘူး။
ဘုရားရှင် အဆုံးအမဆိုတာ ပိဋကတ်သုံးပုံပဲ။ ပိဋကတ် သုံးပုံဆိုတာ အလွန်ကျယ်ဝန်းတယ်။ ပိဋကတ် သုံးပုံကို အဆီထုတ်ပါလျှင် “ဗောဓိပက္ခိယတရား ၃၇-ပါး´´ ၇တယ်။ ဗောဓိပက္ခိယတရား ၃၇-ပါးကို အဆီထုတ်လျှင် မဂ္ဂင်ရှစ်ပါးရတယ်။ မဂ္ဂင်ရှစ်ပါးကို အဆီထုတ်လျှင်တော့ သိက္ခာသုံးပါးရတယ်။ သိက္ခာသုံးပါးဆိုတာ အဓိသီလ၊ အဓိစိတ္တ၊ အဓိပညာပါဘဲ။
သိက္ခာသုံးပါးကို အဆီထုတ်လျှင် “ဧကောဓမ္မောတရားတစ်ခု´´ ရတယ်။ ရုပ်ပေါ် နာမ်ပေါ်မှာနေပြီး ယခုလိုဆောင်ထားတော့ (ရှုမှတ်နေတော့) ကာယကံသောင်းကျန်းမှု၊ ၀စီကံသောင်းကျန်းမှု မရှိဘူး။ အဲဒါ“အဓိသီလ´´ လို့ခေါ်တယ်။
အဓိသီလအားကောင်းလျှင်တော့ စိတ်တွေသောင်းကျန်းမှုမရှိဘဲ ငြိမ်ဝပ်ပိပြားပြီး တည်နေတော့တယ်။ အဲဒါ “အဓိစိတ္တ´´ လို့ခေါ်တယ်။
အဓိစိတ္တ(သမာဓိ) အားကောင်းလို့ အချိန်ကြာလျှင် ဘယ်လူ ဘယ်နတ် ဘယ်ဗြဟ္မာမှ ဖန်တီးခွင့် မပြုဘူး။ လျှပ်တပြက်အတွင်း ကုဋေတစ်သိန်းဖြစ်ပြီး ပျက်နေတယ်။ ရုပ်နာမ်ကို သိနေလျှင်တော့ ဖြစ်ပျက်ကို သိတော့တာပဲ။ ဖြစ်ပျက်ကို သိတာ “အဓိပညာ´´ လို့ခေါ်တယ်။
အများနားလည်အောင် ပြောမယ်ဆိုရင် ခန္ဓာကိုယ်ပေါ်မှာ ထင်ရှားနေတဲ့ အစိတ်အပိုင်းတစ်ခုဖြစ်တဲ့ နှာဖျား၊ နှာဝမှာ ထွက်လေ ၀င်လေနှစ်ရပ်ဟာ အမြဲတိုက်ဝင် တိုက်ထွက်နေတယ်။
နှာဖျားနှာဝဟာ ကာယပသာဒအကြည်က အထိခံ ထွက်လေ၀င်လေဖြစ်တဲ့ လေနှစ်ရပ် ၀ါယောဖောဌာဗ္ဗက ထိတယ်။ ထို အထိခံနှင့် ဒကာမကြီးတို့ သူများမေးမနေနဲ့၊ ကိုယ်နှာဝကို ဥာဏ်နဲ့စောင့်ကြည့် ၀င်တော့ ထိဝင်မယ်။ ထွက်တော့လဲ ထိထွက်မယ်။ ထိတာကို သိလျှင် သိနေလျှင် လောဘ၊ ဒေါသ၊ မောဟ ဖြစ်ခွင့် မရလို့ လောဘမီး၊ ဒေါသမီး၊ မောဟမီး ငြိမ်းတယ်။ ငြိမ်းတော့ အေးတယ်။
မထိခင်ကလဲ သိလို့ မဖြစ်ဘူး။ ထိပြီးပြန်တော့လည်း သိလို့မဖြစ်ဘူး။ ထိတုန်းကိုသာ သိလို့ဖြစ်တယ်။ အဲဒါကို ပစ္စုန်ပ္ပန်တည့်တည့်လို့ ဆိုတယ်။ အဲသလို တစ်ထိတည်းထိနေတာကို တစ်ဆက်တည်း သိနေအောင် ဆောင်ကြဗျာ။ တစ်ရက် (၂၄)နာရီ တစပ်လောက်ရလျှင် အလွန်သိသာပါတယ်။ အဲသလို ထိတာကို မသိမှတ်နိုင်လျှင် လျှပ်တပြက်အတွင်းတွင်ပဲ ကုဋေတစ်သိန်း အကြွေးတင်သွားရောဗျာ။
ထိတာကို သိလျှင် ရုပ်နှင့် နာမ်သာရှိပါလားလို့ သိလိမ့်မယ်။ ရုပ်နာမ်မှတစ်ပါး၊ ငါ၊ သူတစ်ပါး၊ ယောကျာင်္း မိန်းမမရှိဘူးဆိုတာ ဘုရားရှင်၏ တရားတော်အမှန်ပါလားလို့  ကိုယ့်ဟာကိုယ်သိလိမ့်မယ်။ သူများကို မေးနေဖို့ မလိုပါဘူး။ နှာဖျားနှာဝမှာ လေထိတာကို သိနေလျှင် ထိုအချိန်မှာ အတ္တဆိုတဲ့ ကိုယ်မရှိဘူး။
ထိုသိနေတဲ့ အချိန်မှာ ဥာဏ်အမြင် စင်ကြယ်တယ်။ သမ္မာဒိဠိဖြစ်တယ်။ ထိတာကို သိနေတဲ့ အချိန်မှာ “ရုပ်နာမ်မှတစ်ပါး ဘာမှ မရှိပါလား´´ လို့ သိတာကို ရုပ်နာမ်ကို ပိုင်းခြားပြီး သိလို့ `နာမရူပပရိစ္ဆေဒဥာဏ်´ လို့ခေါ်တယ်။
တထိတည်းထိ၊ တသိတည်းသိနေလျှင် အတ္တစင်၍ ဉာဏ်အမြင်စင်ကြယ်တဲ့ အကျိုးရတယ်။ ဒါဟာ တဒင်္ဂပဟာန် ခဏအချိန်ကလေးအတွင်းမှာ ရတဲ့အကျိုး၊ နည်းတယ်လို့ မမှတ်ကြနဲ့ `ကမ္မဌာန်းထိုင်ရတာများ ဘာမှလဲ မတွေ့ပေါင်၊ ဘာမှလဲ မရပေါင်´ လို့များမမှတ်လိုက်ကြပါနဲ့။ မြင့်မြတ်တဲ့ ဘ၀၊ ဘုရားသာသနာကြုံကြိုက်တဲ့အခါမှာ ဒီလို အကျိုးထူးများရနိုင်တယ်။ စားဘို့သောက်ဘို့ အသာထားပြီး အထူးကြိုးစားကြ။

လမ်းဆိုတဲ့အတိုင်း

စာလံးတစ်လုံးထဲပေမယ့်

ရှည်လျားလှတဲ့

လမ်းမှာ

အတော် တာသွားတယ်နော်…..

ကျွန်မတို့ ဥယျာဉ်ကြီးတစ်ခုထဲကို ရောက်သွားရင် ကျွန်မတို့ရဲ့အာရုံဟာ ပွင့်နေတဲ့ ပန်းများဆီ ရောက်သွားတယ်။ ဓာတ်ပုံရိုက်နေတဲ့သူများဟာ အမြဲမပြတ်ပြုံးနေတဲ့မျက်နှာရှိသူများရဲ့ ပုံကိုပဲ ရိုက်ယူကြတယ်။ လောကမှာ ပြုံးရွှင်နေတဲ့ လူများကိုပဲ နှစ်သက်ကြတယ်နော်။ မျက်မှောင်ကုတ်ပြီး မျက်နှာထားတင်းမာနေတဲ့လူနဲ့ မျက်နှာ အမူအရာ မရွှင်မပျဖြစ်နေတဲ့လူတွေကို ဘယ်သူမှ မချဉ်းကပ်လိုကြဘူး။ မိမိတို့က ပြုံးရယ်နေရင် ကမ္ဘာလောက ကြီးကလည်း မိမိတို့နဲ့အတူ ပြုံးရယ်နေလိမ့်မယ်။ မိမိတို့က ငိုနေရင်တော့ မိမိတို့နဲ့အတူ ဘယ်သူကမှ လိုက်ငိုမှာမဟုတ်ဘူး။ မိတ်ဆွေအနေနဲ့လည်း ပြုံးပြုံးရွှင်ရွှင်နေတတ်အောင် ကြိုးစားပါ။ မိမိရဲ့ မျက်နှာပြုံးပြုံးရွှင်ရွှင် ဖြစ်နေရင် တခြားသူများက မိမိကို မိတ်လာမဖွဲ့ဘဲနေမှာ မဟုတ်ဘူးလေ၊ ဟုတ်တယ်နော်။ အမြဲ ပြုံးပျော်ရွှင်ပြီး မိတ်ဆွေအပေါင်း တိုးပွားနိုင်ကြပါစေလို့  ဆုတောင်းပေးလိုက်ပါတယ်။

ပျင်းလွန်းလို့ကွန်ပျူတာရှေ့ထိုင်လိုက်သည် ဘာလုပ်ရင်ကောင်းမလဲဟိုလုပ်ဒီလု

အမေ မွေးစဉ်က
ကလေးသာသာမို့
လူ့ပြည်မှာ ပထမ
သုညက စခဲ့ရာ
လူသားမှန် အရွယ်ရင့်ကာမှ
ကြာမြင့်ချိန် တာရှည်ခဲ့ပေါ့
ကြီးခဲ့ရပြန်
လူဟူသည် လူသားအတွက်ပေပေါ့
လူဟူသည် လူအများအတွက်ပေမို့
ကိုယ့်တွက်သာ ဘယ်မဟုတ်လေဟု
လူ့သရုပ်ပီပြင်စွာ
ထင်လာခဲ့ စိတ်အတွေး
လှုပ်ရှားရုန်းကန်
ဘ၀လှိုင်းဒဏ်အကြား
ချော်လဲတစ်ခါ
ပြန်ထ တစ်လှည့်
ဖြတ်သန်းခဲ့ရ
ဒီလူ့ဘောင်တွင်
ရှုံးတစ်ခါ နိုင်တစ်လှည့်
သံသရာကို ရှည်စေခဲ့
ဆိုးကောင်း အတူမြဲပါလို့
ဒွန်တွဲလာ သင်္ခါရပေမို့
လူ့ရွာမှာ လူပီသအောင်
အားတင်းကာ ကြိုးစားနေဆဲ…..